Dhuusamareeb (Caasimad Online) – Faah faahino dheeraad ah ayaa waxaa laga helayaa dil ay xalay kooxo maleeshiyaad ah ka geysteen gudaha magaalada Caabudwaaq oo ku taalla waqooyiga gobolka Galgaduud ee bartamaha Soomaaliya.
Dilka oo ka dhacay bartamaha magaalada ayaa waxaa fuliyey kooxo hubeysan oo watay gaari nooca raaxada ah oo rasaas ku furay dad ku sugnaa goob maqaaxi ah.
Ugu yaraan labo qof oo shacab ahaa ayaa ku dhintay weerarkaasi, kuwaas oo magacyadooda lagu kala sheegay Shiino Faarax iyo Cabddullahi Diiriye Shaaciyeey.
Dhinaca kale madaxweyne ku xigeenka Galmudug, Mudane Cali Daahir Ciid oo ka hadlay dhacdadaasi ayaa amray laamaha amniga inay gacanta lagu soo dhigaan maleeshiyaadkii ka dambeeyey dilka dadkaasi oo lala xiriirinayo aano Qabiil.
Sidoo kale madaxweyne ku xigeenka Galmudug ayaa faray laamaha amniga in maanta laga bilaabo uu dhaqan-galo bandow lagu soo rogay xaafadaha magaaladaasi, inta laga xaqiijinayo amniga, kaas oo ka bilaabanayo saacadda marka ay gaarto 11:30 AM.
Gobollada Galgaduud iyo Mudug ayaa waxaa inta badan ka dhaca weeraro iyo dilal ay geystaan maleeshiyaad weli ku sugan gobolladaasi oo dhaca bartamaha Soomaaliya.
The post Dad shacab ah oo lagu dilay Caabudwaaq iyo Bandow lagu soo rogay first appeared on Caasimada Online.
source https://www.caasimada.net/dad-shacab-ah-oo-lagu-dilay-degmada-caabudwaaq-bandow-lagu-soo-rogay/
0 Comments