(Barcelona) 09 Nof 2022. Tababaraha kooxda Barcelona ee Xavi Hernandez ayaa muujiyay sida uu ugu faraxsan yahay guushii cajiibka ahayd ee ay kooxdiisa ka gaaray Osasuna.
Barcelona ayaa guul soo laabasho ah ka soo heshay kooxda Osasuna oo ay booqatay, kaddib markii ay kaga soo adkaatay 1-2, kulan qeyb ka ahaa horyaalka La Liga ee dalka Spain.
Ciyaarta kaddib Tababaraha kooxda Barcelona ee Xavi Hernandez ayaa la hadlay warbaahinta, wuxuuna yiri:
“Waxaan u sheegay kooxda waqtigii nasashada inay sabraan, waan dulqaadanay, tani waa guul geesinimo leh.”
“Waxaan ku dabaaldegnay guusha qolka labiska, aad ayaan ugu faraxsanahay kooxda maanta, waxay ahayd mid ka mid ah kulamadii aan ku muujinay biseylka ugu badan.”
Xavi ayaa dhaleeceeyay garsoorka kulankii Osasuna, wuxuuna yiri isaga oo ka hadlaya:
“Waxaa na saameeyay go’aamadan cadaalad darada ah, dhammaan waxay ahaayeen kuwo naga soo horjeeda.”
“Goolkii nalaga dhaliyay, waxaana ka horeeyay qalad, Lewandowski ayaana ciyaarta laga saaray iyadoo su’aal la iska weydiinayo, laakiin waxaan haysanay iimaan iyo dabeecad.”
Gool FM.
from Gool FM https://ift.tt/Or8nfx3
via IFTTT
0 Comments