(Madrid) 08 Nof 2022. Xiddiga kooxda Real Madrid ee Eden Hazard ayaa miiska u saaran koox ka ciyaarta horyaalka Premier League England xilli ciyaareedkan.
Qandaraaska Hazard ee Real Madrid wuxuu dhacayaa xagaaga 2024, laakiin wuxuu ka baxsan yahay qorshaha macalinka reer Talyaani iyo kooxda Real Madrid ee Carlo Ancelotti.
Sida laga soo xigtay wargeyska “The Sun” ee dalka England, Hazard wuxuu bar-tilmaameed u yahay kooxda Newcastle United xilli ciyaareedkan, wuxuuna sidoo kale ku wargeliyay saaxiibkiis Thibaut Courtois, inuu bixi doono suuqa furmi doono bisha January.
Warbxino dhowr ah ayaa horey loogu sheegay in Real Madrid ay albaabka u furtay Hazard inuu baxo, suuqa jiilaalka ee soo socda.
Waxaa xusid mudan in Hazard uu ugu biiray Real Madrid xagaagii 2019, adduun dhan 100 million euros, isagoo kaga soo biiray Chelsea, laakiin waxaa soo gaaray dhaawacyo isdaba joog ah oo saameeyay ka mid ahaanshihiisa joogtada ah ee Real Madrid xilli ciyaareedkii lasoo dhaafay.
Gool FM.
from Gool FM https://ift.tt/0VO7S8J
via IFTTT
0 Comments