(Madrid) 08 Nof 2022. Tababaraha kooxda Real Madrid Carlo Ancelotti ayaa muujiyay sida uu uga xun yahay kaddib guuldaradii xanuunka badneyd ay kala kulmeen Rayo Vallecano.
Rayo Vallecano ayaa saddexda dhibcood ka qaadatay Real Madrid oo marti ugu ahayd garoonka Estadio de Vallecas, kaddib markii ay kaga adkaatay 3-2, ciyaar qeyb kahayn kulammada horyaalka La Liga ee Toddobaadkan.
Haddaba wargeyka “Marca” ayaa daabacay wareysigii uu bixiyay Ancelotti, kaddib ciyaarta waxaana hadaladiisa ka mid ahaa:
“Waxaan sameynay qaladaad, waxaana naga maqanayd xamaasada kooxda naga soo horjeeday, tayada kuma filneen kulanka, waxaan muujinay xamaasad yar.”
“Saameynta Koobka Adduunka? Uma maleynayo in jabka uu ahaa sababtaas. kuma jirno xaalad wanaagsan sababtoo ah waxaan ciyaarnay kulamo badan, uma fiicnin sidii aan markii hore ahayn, laakiin taasi waa wax iska caadi ah.”
“Horyaalka waa mid aad u dheer, waan niyad jabnay sababtoo ah waxaan luminay hogaanka.”
Gool FM.
from Gool FM https://ift.tt/vritAbp
via IFTTT
0 Comments