Abshir Maclin idiris oo isku soo dhiibay ciidamada Dowladda

Wararonline November 04, 2022

Xudur (Caasimada Online) – Taliska qeybta 60-aad ee Ciidamada xoogga dalka Soomaaliyeed ayaa maanta soo bandhigay xubin ka tirsan kooxda Al-Shabaab oo isku soo dhiibay ciidamada dowladda eek u sugan degmada Diinsoor.

Abshir Maclin idiris oo magaciisu Afgarashadu ay yahay Sahal ayaa isku soo dhiibey Ururka 154-aad Ee taliska guutada 8-aad qeybta 60-aad ciidanka dhulka ee Fadhigooda yahay Degmada Diinsoor.

Abshir ayaa markii uu isisoo dhiibayey watay qori nooca AK47 ah iyo Booshkiisa, wuxuuna kooxda Al-Shabaab u qaabilsanaa dhinaca Jabhadda ama kuwa weerarada geysta.

Wuxuu sheegay inuu kasoo qeyb galay weeraro badan oo ay kooxda Al-Shabaab ka geysatay deegaano ka tirsan gobolada Hiiraan, Shabeelaha Dhexe, Galgaduud, Mudug iyo degmada Afmadow ee Gobolka Jubbada Hoose.

Ninkaan oo saxaafadda la hadlay ayaa sheegay inuu kooxda Al-Shabaab ka tirsanaa muddo 5 sano ah, wuxuuna sheegay inuu markii uu kooxda ku biirayey ku sugnaa degaanka Gurbaan ee Gobolka Baay

Bilihii la soo dhaafay ayaa saraakiisha Ciidamada xoogga dalka gaar ahaan qeybta 60-aad waxaa ay sheegeen inay kordheen xubnaha katirsan Al-Shabaab ee isku soo dhiibaya, iyada oo ay socdaan howlgallo ka dhan ah Al-Shabaab.

Dowladda Soomaaliya ayaa ballan qaaday inay cafin doonto cid kasta oo Shabaab ka tirsan oo isku soo dhiibta ciidamada dowladda.

Kooxda Al-Shabaab ayaa hadda waxaa ku socdo kacdoon culus oo looga soo horjeedo kaasoo hadda si rasmi ah uga socdo gobolada Hiiraan, Shabeelaha dhexe iyo Mudug.