Gaalkacyo (Caasimada Online) – Faah faahinno dheeraad ah ayaa waxaa laga helayaa dagaal culus oo u dhexeeyey ciidamada dowladda, kuwa daraawiishta Galmudug oo isku dhinac ah iyo Al-Shabaab oo saaka ka dhacay degaanka Wisil ee koonfurta gobolka Mudug.
Dagaalka oo saacado badan qaatay ayaa yimid, kadib markii dagaalyahano ka tirsan Al-Shabaab ay weerar ku billowday qarax ku qaadeen saldhigyo ciidamada Xoogga dalka iyo kuwa Galmudug ay ku leeyihiin deegaankaasi oo u dhexeeyo Hobyo iyo Gaalkacyo.
Wararka ayaa sheegaya in weerarka, kadib uu xigay dagaal foolka fool ah oo u dhexeeyay labada dhinac, kaas oo geystay khasaare kala duwan oo leh dhimasho iyo dhaawac.
Al-Shabaab oo ka hadashay dagaalkaasi waxa ay shaacisay inay la wareegtay gacan ku heynta deegaanka Wisil, isla-markaana ay khasaare gaarsiisay ciidamada huwanta.
Dhankooda saraakiil u hadashay ciidamada dowladdda ayaa sheegay inay iska difaaceen weerarka uga yimid kooxdaasi, isla-markaana ay dib ugu noqdeen deegaanka Wisil.
Xaaladda ayaa haatan aad u kacsan, waxaana dhaq-dhaqaaqyo iska soo horjeedo haatan laga dareemayaa deegaano dhaca koonfurta gobolka Mudug ee bartamaha Soomaaliya.
Maalmihii u dambeeyey waxaa deegaanada Galmudug ka jiray dhaq-dhaqaaqyo xoogan Al-Shabaab & sidoo kale ciidamada huwanta ay ka wadeen gobollada Galgaduud iyo Mudug.
The post Wararkii ugu dambeeyey dagaal ku billowday qarax oo ka dhacay Mudug appeared first on Caasimada Online.
source https://www.caasimada.net/wararkii-ugu-dambeeyey-dagaal-ku-billowday-qarax-oo-ka-dhacay-mudug/
0 Comments