(London) 06 Nof 2022. Raheem Sterling ayaa xaqiijiyay inuu wali ka shaqeynayo sidii uu horumar dheeri ah ugu sameyn lahaa Chelsea.
Sterling ayaa ku yiri wareysi uu siiyay website-ka rasmiga ah ee Chelsea kahor kulanka maanta ee Arsenal:
“Marka aad timaado koox cusub, waxaa jira waxyaabo kala duwan oo lagu weydiin doono.”
“Waxaan dareemayaa in booskayga ugu fiican uu yahay garabka, laakiin Tababaraha waxa uu leeyahay hab u gaar ah oo uu u ciyaaro, Waxa uu isku dayayaa in uu helo doorarka ugu fiican ee ciyaaryahan kasta iyo boos kasta.”
Mar uu ka haldayay kulanka ay maanta wajahayaan hoggaamiyaasha horyaalka Premier League, ee Arsenal ayaa wuxuu yiri:
“Waxay u badan tahay in ay noqon doonto kulan adag, qof walba waxa uu arki karaa sida fiican ee ay Arsenal ku bilaabatay xilli ciyaareedkan, waxa ay soo bandhigayaan qaab ciyaareed qurux badan, Arteta waxa uu ka dhigay in ay ciyaaraan kubad xor ah.”
“Waxay dhiseen kooxdooda dhawr sano kahor, taasina waa waxa aanu doonayno in aanu ku samayno Chelsea, waxana aan filayaa in uu noqon doono kulan xiiso badan.”
Gool FM.
from Gool FM https://ift.tt/e1iIrhn
via IFTTT
0 Comments