(Madrid) 11 Nof 2022. Tababaraha Real Madrid ee Carlo Ancelotti ayaa muujiyay sida uu ugu qanacsan yahay kaddib guushii adkaay ee ay kooxdiisa ka gaartay naadiga Cadiz.
Real Madrid ayaa garoonkeeda Santiago Bernabéu si dirqi ah saddexda dhibcood kaga qaadatay, kaddib markii ay kaga adkaatay 2-1, kulan qeyb ka ahaa horyaalka La Liga ee dalka Spain.
Haddaba ciyaarta kaddib Tababaraha Real Madrid ee Carlo Ancelotti ayaa la hadlay warbaahinta wuxuuna yiri:
“Waxaan ku dhameynay qeybtii hore si wanaagsan, waxaana helnay 3 dhibcood oo aan u qalanay.”
Tababaraha kooxda Real Madrid ayaa si jees jees ah uga hadlay fursadii fududayd ee uu Modric ku hor lumiyay goolka hortiisa wuxuuna yiri:
“Waxaan u sheegay inay nasiib u leedahay in xulka qaranka Croatia uu mar hore ku dhawaaqay liiska, taasoo la micno ah inuusan wax dhibaato ah qabin.”
Ancelotti ayaa ka hadlay qorshihiisa uu ku diyaarinayo ciyaartoyda aan xulkooda ka qeyb qaadan doonin koobka adduunka, wuxuuna yiri:
“Maanta waxaan helnay war wanaagsan, waxaan helnay 3 dhibcood”.
“Waxaan aadi doonaa nasiino ilaa 1-da December, ka dib waxaan ku soo laaban doonaa tababarka, waana arki doonaa haddii aan kulan saaxiibtinimo ciyaari karno.”
Gool FM.
from Gool FM https://ift.tt/HFsVucp
via IFTTT
0 Comments