(Manchester) 30 Sebt 2022. Xiddiga kooxda Manchester United ee Raphaël Varane ayaa farriin u diray jamaahiirta kooxdiisa kahor inta aysan ku wajihin dariskooda iyo kooxda ay xifaaltamaan ee Manchester City kulan ka tirsan horyaalka Premier League.
Manchester City ayaa Axadda soo socota kula ciyaari doonta deriskeeda Manchester United garoonka Etihad kulanka ugu horreeya ee Manchester derby ee xilli ciyaareedkan.
Wargeyska Daily Mail ayaa shaaca ka qaaday wareysi xiiso badan uu bixiyay Raphaël Varane, waxaana hadaladiisa ka mid ahaa:
“Tartanka waa mid muhiim u ah taageerayaasha, waa u muhiim iyaga, waana ixtiraameynaa taas.”
“Waxaan dooneynaa inaan ka farxinno iyaga, marka waxaan dooneynaa inaan la dagaalanno oo aan ka badino kooxaha sida Manchester City iyo Liverpool.”
“Waa inaad dareentaa waxa taageerayaasha rabaan, aad bay muhiim u tahay.”
Waxaa xusid mudan in Manchester United ay guul ka gaartay Liverpool ciyaartii dhex martay 22-kii August, wuxuuna kulankaas ku soo idlaaday 2-1.
Manchester United ayaa dhanka kala sarreynta horeynta Premier League kaga jirta kaalinta shanaad, waxana ay leedahay 12-dhibcood, kaddib markii ay badisay 4-kulan, halka laga badiyay 2-kulan, kadib markii ay ciyaartay 6-kulan.
Dhinaca kale, Manchester City ayaa ku jirta kaalinta labaad ee kala sarreynta horyaalka, iyadoo leh 17 dhibcood, kaddib markii ay badisay 5 kulan, iyadoo barbaro gashay 2 kulan, ka dib markii ay ciyaareen 7 kulan.
Gool FM.
from Gool FM https://ift.tt/3B1zbVe
via IFTTT
0 Comments