(London) 29 Sebt 2022. Halyeeyga Liverpool Jamie Carragher ayaa ammaanay shaqada uu qabtay tababaraha Isbaanishka ah ee kooxda Arsenal Mikel Arteta, isagoo muujiyay fikirkiisa ku aadan awooda Gunners ay ugu tartami karto horyaalka Premier League.
Kooxda Arsenal ayaa ku jirta kaalinta 1-aad ee kala saraynta horyaalka Premier League kaddib 7 kulan oo ay soo ciyaartay iyaga oo leh 18 dhibcood, kaddib markii ay badisay 6 kulan oo ay ciyaartay, hal sidoo kale kulan laga badiyay.
Haddaba shabakada SportSkeeda ayaa soo xigatay wareysi uu bixiyay halyeeyga Liverpool ee Jamie Carragher waxaana uu yiri:
“Arsenal waxay u muuqataa inay awood u leedahay inay u tartanto horyaalka xilli ciyaareedkan, mar walba waan u riyaaqay Mikel Arteta, runtii aad ayaan ula dhacsanahay geesinimada uu leeyahay, gaar ahaan xilli ciyaareedkii hore, isagoo keenay dhammaan dhalinyaradan.”
“Saxiixa Gabriel Jesus iyo William Saliba, gabi ahaanba si buuxda ayey u badeshay marka la eego qaab ciyaareedka Arsenal.”
“Waxaan u maleynayaa inay ku dhowaan karaan ku guuleysiga Premier League, dadka waa inay ku ammaanaan taas.”
Waxaa xusid mudan in Arsenal aysan ku guuleysan Premier League tan iyo xilli ciyaareedkii dahabiga ahaa ee 2003/2004, markaasoo ay kooxda Gunners ku guuleysatay horyaalka iyadoo aan wax guuldaro ah la kulmin.
Gool FM.
from Gool FM https://ift.tt/Ka2COJl
via IFTTT
0 Comments