Nairobi (Caasimada Online) – Labada dowladood ee Cuba iyo Kenya ayaa qorsheynaya iney iskaashi ka yeeshaan soo furashada laba dhaqtar oo gacanta ugu jira dagaalyahanada Al-Shabaab tan iyo bishii April 2019.
Sida la xusay Al-Shabaab ayaa labadaan dhaqaatiirta ah ka afduubtay deegaanada Kenya oo ay aad ugu xooganaayeen mudooyinkii dambe.
Prensa Latina oo ka mid ah warbaahinta ugu caansan dalka Cuba ayaa daabacday in wasaaradahada arrimaha dibadda laba dowladood ay si wadajir ah isaga kaashan doonaan soo badbaadinta labadaan dhaqaatiir oo wakhti badan gacanta ugu jira Al-Shabaab.
Wasiirka arrimaha dibedda Kenya (Raychelle Awour Omamo) iyo dhigiisa Cuba (Bruno Rodriguez Parrilla) ayaa ku xiriiray taleefoonka, waxeyna si fiican u lafa-gureen qorshaha ugu fudud ee xoriyadooda loogu soo celin karo dhaqaatiirtaas.
Wasiirka arrimaha dibadda dalka Cuba ayaa twitter-kiisa ku xaqiijiyay wadahadalka uu la yeeshay dhigiisa Kenya, isla markaana ay ku hawlan yahiin xaaladooda.
Labada dhaqtar ee la afduubtay waxey kala yahiin: Assel Herrea Correa oo taqasuskiisu yahay cudurada guud iyo Landy Rodriguez Hernandez uu yahay dhaqtar ku shaqo leh qaliinka, waxaana la afduubtay 12-kii April 2019-kii.
Warbaahinta waxey ogaadeen in ciidamada Kenya ee gudaha Soomaaliya jooga ay dhawr jeer weeraro qorsheysan ku qaadeen, goobo la sheegay in lagu haayo dhakhaatiirta, balse wali laguma guuleysan.
The post Howlgal lagu soo furanayo dhaqaatiir Al-Shabaab u xiran oo la qorsheenayo first appeared on Caasimada Online.
source https://www.caasimada.net/howlgal-lagu-soo-furanayo-dhaqaatiir-al-shabaab-u-xiran-oo-la-qorsheenayo/
0 Comments